Сөптөөх идэни талыы-инники олох түһэ

Сэтинньи 19 күнүгэр В.А. Петрова аатынан кыраайы үөрэтэр түмэл «Единый день профессионального самоопределения» диэн тэрээһин чэрчитинэн идэни сөпкө талыыга уонна баһылааһыҥҥа  Хаҥалас оскуолатын орто сүһүөх уонна үрдүкү  кылаас оҕолоругар ZOOM нөҥүө киэҥ кэпсэтии ыытта.

Тэрээһиҥҥэ Дьокуускай куораттан РФ Бочуоттаах судьуйата, Ньурба улууһун уонна Хаҥалас нэһилиэгин Бочуоттаах олохтооҕо Васильев Василий Николаевич, профессиональнай үөрэхтээһин, алмаас промышленноһын бэтэрээнэ, Хаҥалас нэһилиэгин Бочуоттаах олохтооҕо Иванов Егор Васильевич, педучилище студентката Милена Иванова, Мииринэй куорат 6-с №-дээх оскуолатын историяҕа  учуутала Семенова Мария Ивановна, Хаҥаластан муниципальнай сулууспа туйгуна, Ньурба улууһун уонна Хаҥалас нэһилиэгин Бочуоттаах олохтооҕо, муниципальнай сулууспа бэтэрээнэ Николаев Николай Васильевич, өр кэмҥэ «Катерпиллер» суоппарынан үлэлээбит «Алроса» бэтэрээнэ Давыдов Николай Данилович, Хаҥалас нэһилиэгин оскуолатын учуутала Николаева Сардаана Даниловна бэйэлэрин идэлэрин туһунан билиһиннэрдилэр, олоххо-үлэҕэ ситиһиилэрин кэпсээтилэр.

Үөрэнээччилэр инники идэлэрин сөптөөхтүк талалларыгар уонна ол талбыт идэлэринэн ситиһиилээхтик үлэлииллэригэр баҕа санааларын эттилэр.  Бу тэрээһин оҕолорго  сөптөөх идэни талалларыгар олук буолуо диэн эрэнэбит.

В.А. Петрова аатынан кыраайы үөрэтэр түмэл. Хаҥалас.