Блогердар союзтарын чилиэннэрэ Хаӊаластааҕы түмэлгэ

От ыйын 16 күнүгэр Сата тимирдээх тааһын уһааран болгуо тимиртэн быһах оҥоруутун интириэһиргээн Саха сиринээҕи блогердар союзтарын чилиэннэрэ Лена Тихонова, Сусанна Рожина музейбытыгар наҕылыччы ыалдьыттаатылар.

            Сахалыы күөрчэхтээх,  алаадьылаах остуолга олорон Сата уустарын төрүттэрин быһа барылаан хаһааҥҥыттан уһаммыттарын, Хаҥалас нэһилиэгин историятын Сусанна Рожина иҥэн-тоҥон ыйыталаста.

            Нэһилиэкпит киэн туттар ууһа, Норуот маастара Ариан Афанасьев тимири уһаарыыны, болгуоттан оҥортообут быһахтарын, хомустарын туһунан кэпсээтэ. Оҕолору бэйэтин идэтигэр уһуйарын Сусанна олус сэҥээрдэ. «Уус кыһата» балаҕаҥҥа тахсан бэрт уһуннук сэһэргэстилэр.

            Сатаҕа бүтэһигин тимири уһаарбыт Иванов Д.И. — Сыраан Уус хос сиэнэ дэгиттэр талааннаах уус Григорьев Борис Николаевич Сата уустарын төрүттэрин туһунан кэпсээтэ.

            Сусанна бэйэтэ Хаҥалас улууһуттан төрүттээх уонна историк идэлээх буолан историяны олус сэргиир, сэҥээрэр эбит.

            Лена Тихонова сүрүн сыала тыа хаһаайыстыбата уонна итэҕэл. Музей үлэтигэр оҕолору куруһуокка дьарыктыырга туох сыаллаах-соруктаах үлэлиирбитин ыйыталаста.  Итэҕэл туһунан өйдөбүлү оҕолорго наадалааҕынан ааҕан хайдах тиэрдэрбитин  туоһуласта.

            Кыргыттар иккиэн айаннарыттан астыналларын эттилэр. Элбэх саҥа позитивнай сонуну биллибит диэн үөрэн, махтанансалгыы айаннаатылар.