Музей Дружбы Народов им. К.Д. Уткина

         Биллиилээх государственнай уонна политическэй диэйэтэл, биир дойдулаахпыт Варвара Андреевна Петрова төрөөбүтэ 85 сылыгар аналлаах үбүлүөйүн чэрчитинэн сыл саҕаланаҕыаттан араас хабааннаах тэрээһиннэр, быыстапкалар, эстафеталар ыытылла тураллар.          Варвара Андреевна  Саха Өрөспүүбүлүкэтин, Муома, Горнай, Ньурба, Абый улуустарын Бочуоттаах олохтооҕо, СӨ норуотун хаһаайыстыбатын үтүөлээх үлэһитэ, Доруобуйа харыстабылын, Үөрэҕирии, Экономика министерствотын уонна Гражданскай сулууспа туйгуна, СӨ Бочуоттаах бэтэрээнэ, […]

Батыйа – нууччалыыта пальма, палма. Киэҥ Сибиир норуоттарыгар дэлэйдик тарҕаммыт булт, сэрии тэрилэ этэ (сахаларга батыйа, тоҥустарга котокоон, удэгейецтарга хогдокоон, орочиларга суггуди, о.д.а.). Саха быҺаҕын кэнниттэн ордук биллэр биилээх сэбинэн буолар. Сабаҕалааһынынан, батыйа — батас диэн сахалыы тыл кыччатыллан ааттаммыт өйдөбүлэ. Холобур, кыра кытаҕы кытыйа, кыра үрэҕи үрүйэ диэн чопчулаан -йа, -йэ сыһыарыылары туттан ааттыыллар. […]

Түөрэм үктэл туйахтаах, Төлөннөөх сындыыс тыыннаах, Үстүйэлиир сүнньүөхтээх Үүттүйэлиир күрүөнү Үрүттэрин үрдүнэн Өрөкүйэн көстөөхтүүр Үрүмэччи маҥан ат Үчүгэйин баҕаһын! Муҥурдара биллибэт Буолунайдыыр сонуокка Бурдуктарбыт ыһыыта Муҥутаахтыыр кэмигэр Бостуруоҥка тардыыга Бокуой биэрбэт уохтардаах Үрүмэччи маҥан ат Үчүгэйин баҕаһын! Барҕалара биллибэт Баһыылардаах уолбаҕа Манчаарылыыр оттору Массыынанан охсорго Бааралааҕын булбатах Барҕа баһаам барыылаах Үрүмэччи маҥан ат Үчүгэйин баҕаһын! […]

Алтынньы 23 күнүгэр В.А. Петрова аат. кыраайы үөрэтэр түмэл тэлгэһэтигэр тимири уһаарыы буолла. Түмэл иһинэн үлэлиир куруһуок саҥа иитиллээччилэрэ 6 кылаас үөрэнээччилэрэ Дьулус Васильев,Володя Герасимов, Алеша Жирков уһаарыыга сылдьыһан уус дьарыгын кытта билсистилэр. Уолаттар солбуһа сылдьан 15 мүн.буола-буола оһоххо көмөр кутан көмө буоллулар. Уһаарыы түмүгэр 38 киилэ тимир тааһыттан 11.5 киилэ ыраас тимир (болгуо) ылылынна. […]